O conselleiro de Innovación e Industria, Fernando Blanco presentou a terceira edición do “Vía Stellae, o Festival de Música de Compostela e os seus Camiños” que este ano se vai desenvolver entre o 4 e o 23 de xullo. O centro da programación desenvólvese en Santiago pero o Vía Stellae tamén espalla as súas actividades polas cidades e vilas galegas situadas nas oito rutas de peregrinación que conducen a Compostela, cun total de 85 concertos.