O flufenoxuron é un pesticida que se emprega en Galicia nas plantacións de eucalipto para combater a praga do escarabello Gonipterus scutellatus, como complemento da loita biolóxica coa vespa Anaphes nitens. O sistema de certificación forestal FSC (Forest Stewardship Council) vén de prohibir o seu uso, ao consideralo altamente perigoso. A empresa NORFOR, pertencente ao Grupo ENCE, pretende obter unha derrogación temporal da prohibición de flufenoxuron nos montes certificados baixo o selo FSC que xestiona.