Durante esta fin de semana A Pontenova será a capital galega da artesanía no ferro coa posta en marcha do V Encontro Internacional de Ferreiros. Está previsto que máis dun cento de profesionais de toda Europa se dean cita para participar nas conferencias, mostras e exhibicións programadas. Durante as xornadas celebraranse diversas conferencias, algunhas delas orientadas a temáticas como a prevención de riscos durante o manexo do ferro ou a recuperación de técnicas xa esquecidas no gremio.