Reganosa licitou xa os traballos -que inclúen desde os estudos previos á execución das tarefas necesarias- para duplicar a súa capacidade de produción. No Diario Oficial de Galicia de onte publicábase o anuncio desta iniciativa, que se adxudicará por procedemento negociado e na que se investirán ao redor de 16 millóns de euros. Esta ampliación da produtividade da planta situada en Mugardos atópase xa prevista no borrador da planificación enerxética nacional elaborado polo Ministerio de Industria para o período 2007-2016.