O grupo Leite Pascual está 'considerando' as dúas ofertas realizadas por senllos grupos de cooperativas galegas, unha liderada pola Arzuá -A Arzuá, Gancobre e Terra Chá- e outra por Feiraco -Feiraco, Colaga e Melisanto, co apoio de Icos e Os Irmandiños-, para o aluguer da súa planta en Outeiro de Rei, das que cre que teñen 'posibilidades de futuro', aínda que á firma castelá 'gustaríalle' que esa proposta se puidese 'concentrar nunha soa'.