Os tres veciños condenados do barrio do Eixo de Santiago por agredir a un policía hai nove anos gozan xa do terceiro grao que lles concedeu a Dirección Xeral de Institucións Penais. Pasou un mes e medio logo de ingresar en prisión para cumprir unha pena de sete anos. O réxime penitenciario permitirá a Simón Márquez, Xosé Moreira e Xesús Montoiro saír a traballar ás sete da mañá e volver ás nove da noite para durmir baixo custodia.