As traballadoras/es responsabilizan a Pérez Touriño da falla de diálogo e de enganar e dividir ao cadro de persoal do 112. Nun dos parágrafos da carta que se lle entregou ao Presidente explicábano así: Aínda non sendo responsabilidade súa a orixe desta situación, senón do goberno anterior, si o é mantela nestas condicións e perpetuar unha situación anacrónica co traballo que desenvolvemos. Piden a dignificación salarial consolidando as cantidades que cobramos e a regulación e control das gardas con dispoñibilidade.