Os británicos ou, cando menos, os representantes do Partido Conservador, están furiosos pola intromisión da Unión Europea, que decidiu suprimir a unidade de medida imperial de superficie, o acre, en favor da internacional hectárea. A norma entrará en vigor no ano 2010. Até agora, o Reino Unido gozaba dunha moratoria para usar as súas unidades de medida tradicionais fronte ao resto da Unión. Agora, os británicos teranse que afacer mentalmente a que unha hectárea son 2,471 acres.