O Partido Popular de Lugo puxo sobre a mesa o nome da escritora Marta Rivera de la Cruz como pregoeira para o San Froilán 2007. Durante unha rolda de prensa na que criticou a falta de información que, a estas alturas, existe sobre o programa das patronais luguesas, a concelleira conservadora Alicia Peña considerou á literata nacida en Lugo como axeitada para pregoar estas festas. Obviou, por exemplo, a súa postura sobre a lingua galega.