A excursión de xeoloxía levada a cabo por un grupo de expertos durante o pasado mes de maio deu como resultado algo co que ninguén contaba: a constatación de que se reactivou o desprazamento do solo no lugar de Santo André de Teixido. A aparición de fendas na estrada de acceso ao lugar e o desprazamento entre 4 e 5 graos do cruceiro situado nas proximidades do santuario demostran que algo cambiou nunha zona que practicamente permanecera inalterable durante os últimos 25.000 anos.