O novo texto esixe que os furanchos cumpran unha serie de requisitos mínimos para a súa legalización, como a necesidade de que teñan iluminación e ventilación, que o viño non sexa embotellado senón procedente de pipote, ou que os alimentos que se acompañen cumpran unhas normas mínimas de etiquetaxe e procedencia, sen que poidan ser elaborados no propio local. Ao mesmo tempo, este tipo de establecementos tamén deberán cumprir a normativa turística e estarán suxeitos ás normas locais que sexan aplicables en cada concello.