Cunha conferencia a cargo de Santiago Auserón -"Para que serve unha canción. O exemplo da antigüidade, desde a perspectiva da canción contemporánea"- arranca hoxe na Coruña ás 19 horas o taller de música organizado pola Concellería de Cultura. O obradoiro esténdese até o venres 28 de marzo en sesións de mañá, complementadas polas tardes con conferencias (martes, Carlos Villanueva; mércores, Noel Feáns) e un concerto final o venres. Todos os actos terán lugar no Palexco.