Un día calquera fai cinco, seis ou quizais sete anos, alguén decidiu colgar un pano de papel nunha árbore próxima á fonte dos tres canos do San Andrés de Teixido. Outros moitos visitantes decidiron seguir o seu exemplo. E a devoción e o fervor foi cada vez a máis, ata o punto de que agora as silveiras e as xestas próximas a esa fonte están tapizadas con ducias e ducias de clínex, bolsas e luvas de plástico e ata hai quen viu algún cueiro. Unha porcallada!