A Consellería de Cultura e o Patronato da Cultura Galega de Montevideo coorganizan a presenza galega na feira, que se desenvolverá ata o 19 de outubro e á que os organizadores prevén que asistan arredor de 200.000 persoas. No stand de Galiza estarán representadas 22 editoriais galegas, que exporán as súas novidades: Xerais, Galaxia, Everest, Linteo, Rodeira, Tórculo, Embora, Positivas, Espiral Maior, Lea, A Nosa Terra, Tris Tram, Baía, Sotelo, Do Castro, Laiovento, Biblos, Tambre, Nova Galicia, Toxosoutos, Kalandraka e Oqo.