O comité organizador dos Xogos anunciou este venres no Porto que Galiza é o país elixido para a celebración da XVI edición no vindeiro ano 2010. As principais sedes dos Xogos serán Ribeira, Compostela, Pontevedra, Nigrán e Vigo. A boa comunicación entre as sedes foi un dos motivos que levou ao comité a elixir Galiza como país organizador. Mais o factor determinante foi o feito de ser este 2010 ano Xacobeo. Os Xogos visitarán Galiza por terceira vez, xa que foron celebrados en Ferrol, no ano 1997; e na comarca do Salnés, no 2004.