O secretario de Acción Institucional do BNG, Francisco Rodríguez, pediulle hoxe á Igrexa católica que «respecte» o Panteón de Galegos Ilustres, en San Domingos de Bonaval, despois de que a propiedade desta igrexa volvese ao Arcebispado compostelán por unha sentenza xudicial. Na súa intervención na homenaxe que Galiza Nova organizou no Panteón de Galegos Ilustres, Rodríguez afirmou que "por unha desas piruetas xudiciais que se dan no Estado español, desgraciadamente a propiedade desta igrexa volveu outra vez ao Arecebispado".