A Lorenzo Odone diagnosticáronlle de neno adrenoleucodistrofia, unha enfermidade dexenerativa e incurábel que o conduciría a unha morte segura en poucos meses. Os seus pais, Augusto e Michaela, comezaron entón unha batalla desesperada na procura dun tratamento para o fillo; do seu esforzo xurdiu o agora chamado "aceite de Lorenzo", que demostrou unha significativa eficacia en casos coma o seu: Lorenzo mesmo foi quen de vivir até os trinta anos. O caso inspirou o filme "O aceite da vida", con Nick Nolte e Susan Sarandon.