A partir do 1 de decembro terá lugar no Centro Cultural da Deputación de Ourense unha exposición sobre o escritor Blanco Amor. A exposición está integrada por manuscritos -entre eles, o da propia novela A Esmorga, unha das máis importantes escritas na época- dedicatorias do escritor a diferentes amigos, obxectos persoais, primeiras edicións das súas obras, imaxes, recordos e varias obras de artistas ourensáns creadas especificamente para esta mostra e inspiradas no escritor ou na súa obra.