Endesa Gas aproveitará o gasoduto construído por Reganosa para abastecer á localidade das Pontes. A empresa, que xa presentou ante a Consellería de Industria a solicitude de autorización administrativa previa, utilizará para As Pontes un modelo distinto ao que expón para Cedeira, onde tamén tramita os permisos,. Neste caso, o gas chegará por cisterna e en estado líquido, mentres que a vila mineira recibirao por tubo e en forma de gas natural, dado que polo municipio das Pontes pasa o gasoduto norte de Reganosa.