Tendemos a pensarnos en base aos tópicos que 500 anos de colonialismo inocularon no noso ADN identitario e por iso parece contraditorio xuntar as verbas Galiza e tecnoloxía, igual que outras do estilo como avance, progreso, lusofonía ou liderado. Mais repasemos os feitos: 1998. Xaneiro abre o ano facendo tremer a Wall Street coa posibilidade de que a Netscape libere o código fonte do Navigator. Naquel mesmo vran un grupo de persoas organizadas en rede baixo o nome de Proxecto XIS comezaba a compilar o primeiro navegador en galego.