Xa está en marcha a terceira edición de A polo ghit!, o concurso que busca a canción do verán galega. Xa se poden escoitar os seis primeiros candidatos: Banda Potemkin, Dúo Estúpido Mascalzone, Magín Blanco & Burgas Beat, Mostoboys, Os John Deeres e Projecto Mourente. Este ano hai algunhas novidades nas bases: a principal, que os temas teñen que ser orixinais e non versións. As votacións abriranse o luns 26, pero xa se poden escoitar e comentar as seis candidatas.