Cúmprense hoxe cen anos do nacemento de Carlos Velo Cobelas no lugar de Pereiros, no concello ourensán de Cartelle. O cineasta, morto en México DF no 1988, forxou unha traxectoria cinematográfica que comezou na España republicana previa á Guerra Civil, consolidándose como un dos documentalistas máis notables daquel período. Esta fama prolongouse no seu exilio de case medio século en México para confirmarse como prolífico cineasta, mestre de documentalistas e promotor de numerosas institucións.