Fai dúas semanas, as segadoras do concello de Sanxenxo volveron a golpear a flora das dunas. O Concello segue a manter a actitude de anos anteriores, cando dicía que as dunas de Baltar xa non teñen valor florístico. Seguen así as dunas a ser tratadas coma unha zona de simple céspede dun parque urbán, sen aínda decatarse de que é un espazo natural e unha xoia botánica e paisaxística que recibe a todos os veciños e visitantes do pobo de Portonovo.