Touriño avanzou no Parlamento que o Goberno galego emitirá un informe negativo sobre a avaliación de impacto ambiental do proxecto para a construción da presa coñecida como Salto de Suarna. O encoro, promovido pola empresa Saltos do Navia CB, afectaría aos municipios de Navia de Suarna, A Fonsagrada e Ibias. En principio, segundo o proxecto, o novo encoro tería 289 metros de altura, capacidade para reter 123 hectómetros cúbicos de auga e unha conca aproveitada de 1.065 quilómetros cadrados.