Trás a clausura do I Congreso da Xuventude Galega Residente en Países Europeos, celebrado durante esta fin de semana en Frankfurt am Main, concluiron que o modelo actual dos Centros galegos no exterior "está caduco e non satisfai as necesidades das novas xeracións". Sinalaron que unha das principais dificultades ás que se enfrentan é a propia "organización" dos centros e casas galegas no exterior, "incapaces", din, "de daren saída ás novas manifestacións da galeguidade exterior".