Esta pode ser unha semana decisiva para o futuro de Internet. Mentres a reunión anual do G-8, o grupo que reúne aos países máis poderosos e ricos do mundo (pero non aos que gañan a Eurocopa), podería apoiar un novo marco legal mundial para perseguir a pirataría, algo máis perto o Parlamento Europeo prepara unha reforma ampla da lexislación de telecomunicacións que, segundo procuran algunhas emendas de última hora, convertería os fornecedores de acceso a Internet (ISP) en vixilantes do que circula polas súas redes.