Industrias e cooperativas lácteas cometeron ente os anos 1997 e 2005 unha xigantesca fraude á Unión Europea, que un informe oficial do Ministerio de Medio Rural acaba de cuantificar en 249 millóns de euros. Durante eses oito exercicios, o sector leiteiro puxo no mercado ilegalmente 1,2 millóns de toneladas por cima da cota que a UE asigna ao Reino de España, segundo a documentación entregada polo Goberno ao xuíz da Audiencia Nacional Baltasar Garzón para incorporar ao sumario do denominado leite negro.